СахаГов.ру
«Саха Өрөспүүбүлүкэтигэр туттарыллар үүт кээмэйин учуоттуур сервис» цифровой платформа дааннайынан, өрөспүүбүлүкэҕэ бүгүҥҥү туругунан 35 503,39 туонна үүт соҕотуопкаланна. Бу сыллааҕы былаантан 65,28 %-гар тэҥнэһэр. Бу туһунан Тыа хаһаайыстыбатын министиэристибэтэ иһитиннэрэр.
Үүтү тутуу ааспыт сыллааҕы таһымынан баран иһэр, онтон кыратык — 9,47 туоннанан куоһарыылаах.
Сыллааҕы былааны толорууга муниципальнай оройуоннар ортолоругар бастыҥ көрдөрүүлээхтэринэн Чурапчы (87,1%), Нам (84,7%), Мииринэй (84,4%), Кэбээйи (77,3%), Ленскэй (76,1%), Өлүөхүмэ (74,9%), Сунтаар (71,6%) уонна Горнай (70,4%) буолаллар.
Муниципальнай оройуоннарга уонна куораттааҕы уокуруктарга ыытыллыбыт сүүмэрдээһин түмүгүнэн үүтү тутар уонна учуоттуур 56 соҕотуопкалыыр тэрилтэ быһаарылынна.
Быйыл өрөспүүбүлүкэҕэ үүтү оҥорон таһаарыыны уонна соҕотуопкалааһыны хааччыйарга барыта 3,7 млрд солкуобай көрүллүбүт. Маны сэргэ, социальнай-экэнэмиичэскэй сайдыы судаарыстыбаннай бырагырааматынан бигэргэтиллибит субвенция кээмэйэ 4,6 млрд солкуобайы тэрийэр (65,7 тыһыынча туонна үүтү соҕотуопкалыыр былааҥҥа олоҕуран).
Билиҥҥи туругунан муниципальнай уонна куораттааҕы уокуруктарга 2,124 млрд солкуобай кээмэйдээх бүддьүөт ассигнованиета тиэрдилиннэ. Бу сыллааҕы үбүлээһин кээмэйиттэн 58%-гар тэҥнэһэр.
Сиһилии: https://www.sakha.gov.ru/news/58833
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…