Жатайга уонна Болугурга массыыналар умайдылар
Бэҕэһээ, муус устар 8 күнүгэр, 20 ч. 51 м. Дьокуускай куорат уокуругун Жатайдааҕы баһаарынай-быыһыыр сулууспатыгар Жатай бөһүөлэгин Севернай уулуссатыгар «УАЗ» массыына умайбытын туһунан иһитиннэрии киирбит.
Тута анал баһаарынай-быыһыыр чаас үлэһиттэрэ тиийбиттэр. Баһаартан биир да киһи эмсэҕэлээбэтэх, массыына 1 кв.м. олоччу умайбыт. Баһаары утары охсуһууга 3 баһаарынай үлэһитэ уонна 1 тиэхиньикэ үлэлээбит.
Билиҥҥитэ маассыына умайбыт төрүөтүн, буруйдааҕы уонна хоромньуну быһаараллар диэн ЫБММ Саха сиринээҕи пресс-сулууспата иһитиннэрэр. Ону кытта Амма улууһугар Болугурга «Нива» массыына умайбытын туһунан иһитиннэрэллэр. Массыына 2 кв.м. умайбыта биллэр.
Баһаар тахсыбыт төрүөтэ барыллааһын быһыытынан массыынаҕа самыкаанньа, радиатор оһоҕо эбэтэр мотуор итийэн тахсыбытыттан буолуон сөп диэн иһитиннэриигэ суруллар.
Сообщить об опечатке
Текст, который будет отправлен нашим редакторам: