Аатырбыт Чоомуут уонна Ньукутта үөрэнээччилэрэ — Руф Гаврильев

Оһуокай өрөспүүбүлүкэтээҕи уопсастыбатыгар ураты куоластаах, тыллаах-өстөөх, тойуктаах үҥкүү тылын этээччилэр бааллар. Ол курдук, Күөх Ньурбаттан төрүттээх Дархан этээччи Руф Елисеевич Гаврильев урукку этээччилэр утумнарын туппут этээччи буолар.

Мааны куоластаах, тойугун тардыытынан уратылаах этээччи буолар. Бочуоттаах сынньалаҥҥа олоруоҕуттан Оһуокайга тарбахха баттанар биир этээччибит буолар.

Руф Елисеевич Биэрибэй Хаҥаластан төрүттээх. Ынахсыт диэн почтаҕа ааттанар. Бу нэһилиэккэ аатырбыт Чоомуут уонна Ньукутта бырааһынньыктар, ыһыахтар маанылаах этээччилэринэн буолаллар. Руф Елисеевич отделениеҕа механик быһыытынан үлэлээбитэ. Кулууп үлэһиттэрэ мэлдьи тойуктатар этилэр. Чоомууттаах Ньукутта эдэр киһини мэлдьи өйүүллэрэ, кытаат диэн хайгыыллара. Онон кинилэр мааны куоластарын, ураты хомоҕой тыллаах оһуокайдарын истэн, учууталларым диэн билигин киэн тутта ахтар.

Руф Елисеевич түөрт оҕолоох, улахан уола бочуоттаах сынньалаҥҥа таҕыста. Куоракка өрөбүл аайы ыытыллар Оһуокайга мэлдьи кэлэн кыттар. Быйыл түмсүүбүт салайааччыта А.Д.Данилов Дьулуур Хаан аҕа саастаах дьоммутугар, ол иһигэр Руф Елисеевичкэ «Саха сирэ» хаһыакка суруттарбыта. Онон түгэнинэн туһанан махталын этэр. «Саха сирэ» хаһыаты көтүппэккэ күүтэбин, бээтинсэ аайы кэлэ турар», — диэн үөрэр.

Марта Николаева