Абыйга үүтээҥҥэ киһини өлөрбүт киһиэхэ бириигэбэр таҕыста

Абый улууһун Белай Гора бөһүөлэгиттэн 160 км тэйиччи кыстыыр үүтээҥҥэ муус устар 13 күнүгэр киһи өлүүлээх иэдээн тахсыбыта.

55 саастаах киһи арыгы иһэн баран, табаарыһын кытта кыыһырсан кинини быһаҕынан аспыта. Ылбыт эчэйиитэ улаханыттан эмсэҕэлээччи тута өлбүт. Арассыыйа Федерациятын холуобунай кодексатын 105 ыст. 1 ч. киһини соруйан өлөрүү иһин киниэхэ холуобунай дьыала тэриллибитэ.

Силиэстийэ кэмигэр уорбаланааччы буруйун толору билиммит. Онон суут уурааҕынан кини сэттэ сылга кытаанах эрэсиимнээх хаайыы болдьоҕор ууруллубут.