Айсен Николаев «Синергия Арктики» бырайыак туһунан кэпсээтэ
14.12.2022, 19:42
Бөлөххө киир:
Бүгүн Федерация Сэбиэтин 535-с пленарнай мунньаҕар, «Арассыыйа Федерациятын субъегын чааһыгар» Ил Дархан Айсен Николаев «Синергия Арктики» бырайыагы өйүүллэригэр Федерация Сэбиэтиттэн көрдөстө.
«Синергия Арктики» бырайыагынан эрэгийиэҥҥэ ВОЛС ситимэ тутуллуохтаах. РФ Цифровой сайдыытын уонна сибээһин министиэристибэтин кытары туһааннаах бырайыак оҥоһуллубут. Ил Дархан Айсен Николаев этэринэн, өрөспүүбүлүкэ арктическай оройуоннарыгар оптика ситимин тардыы интэриниэккэ холбонуу сыанатын сүүс төгүл аҕыйатыахтаах.
Манна туһаайан Федерация Сэбиэтин бэрэссэдээтэлэ Валентина Матвиенко: «Федерация Сэбиэтин иһинэн туһааннаах сэбиэккэ бу боппуруоһу көтөҕүөхпүт. Кэлэр сылга болҕомто ууруллан, туһааннаах таһымҥа таһаарар курдук», — диэтэ.
Санатан эттэххэ, 2021 сылга оптика ситимигэр өрөспүүбүлүкэҕэ 70 нэһилиэнньэлээх пуун холбоммута. ВОЛС уопсай уһуна Саха сиригэр билигин 13 тыһыынча км ааҕыллар. «Синергия Арктики» бырайыак олоххо киирдэҕинэ , 2025 сыл бүтүөр диэри түргэн интэриниэккэ 52 арктическай нэһилиэнньэлээх пуун холбонуоҕа.
Мунньах түмүгүнэн, Федерация Сэбиэтин чилиэннэрэ туһааннаах бырайыагы өйөөтүлэр.
+1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: