Алдан оройуонугар икки балыксыт сураҕа суох сүппүт

Алдан улууһугар сураҕа суох сүппүт икки балыксыты көрдүүллэр.

Кинилэри бүтэһигин алтынньы 8 күнүгэр Таас Хонуу өрүс уһугар Алдантан 250 км тэйиччи сиргэ көрбүттэр. Бу туһунан алтынньы 18 күнүгэр Саха сиринээҕи Быыһыыр сулууспатын пресс-сулууспата иһитиннэрдэ.

1956 уонна 1981 ст.  икки эр киһи балаҕан ыйын 25 күнүгэр Тимптон өрүскэ тахсыбыттар. Кинилэр сүппүттэрин туһунан тыллабыр алтынньы 17 күнүгэр Алдан оройуонун көрдүүр- быыһыыр этэрээтигэр киирбит. Бээтинсэҕэ биэс киһилээх «Аллигатор» аэролодканан суудунаны бас билээччини уонна быыһааччылары кытта көрдүү таҕыстылар. Алдан улууһугар кыра суудуналарга навигация алтынньы 7 күнүгэр тохтотуллубута.