Уон түөрт Арассыыйа дьоруойуттан — үһэ Саха сирин олохтооҕо

Эрдэ бэрэсидьиэн Владимир Путин, байыаннай дьайыыга хорсун быһыыны көрдөрөн, 14 мобилизацияламмыт байыаннай сулууспалаах Арассыыйа Дьоруойа буолла диэн этэн турар. Итинтэн үс киһи Саха сирин олохтооҕо, — диэн ахсынньы 25 күнүгэр ыытыллыбыт пресс-кэмпириэнсийэҕэ Айсен Николаев иһитиннэрдэ. Байыаннай эпэрээссийэҕэ баҕа өттүнэн барбыттартан бастакынан Арассыыйа Дьоруойунан Александр Колесов буолбута.

“Бу биһиги уолаттарбыт хорсуннарын, бэйэлэрин харыстаммакка да туран дойдуларын көмүскүүллэрин уонна маны олус үрдүк таһымҥа толороллорун көрдөрөр. Хайаан даҕаны кыайарбытыгар эрэнэбин. Биһиги сүрүн сорукпут – байыаннай сулууспалаахтарбытын, кинилэр дьиэ кэргэттэрин өйөөһүн уонна экэниэмикэни бөҕөргөтүү”, — диэн Айсен Николаев бэлиэтээтэ.

Ил Дархан уонна Бырабыыталыстыба пресс-сулууспата.