Арассыыйа Дьоруойа Алексей Неустроев Үп-харчы университетын устудьуона буолла

Арассыыйа Дьоруойа, аатырбыт «Алеша» тааҥка экипаһын оператор-наводчига Алексей Неустроев РФ Бырабыыталыстыбатын иһинэн Үп-харчы университетын устудьуона буолла. Бу туһунан университет пресс-сулууспата суруйар.

Балаҕан ыйын 2 күнүгэр Кириэмил дыбарыаһыгар  «Кремль. Финашко. Начало» устудьуон аатын ылыы үөрүүлээх тэрээһинэ ыытылынна. Ректор Станислав Прокофьев байыаннай дьайыы кыттыылаахтарыгар махтанна уонна Алексей Неустроевы киэн тутта бэлиэтээтэ. Бэс ыйыгар Алексей Неустроев хамандыырын, Арассыыйа Дьоруойа Александр Леваковтуун бу университекка киирэ сылдьыбыттар. Биир дойдулаахпыт Экэниэмикэ уонна урбаан факультет «Управление бизнесом» салаатыгар үөрэнэргэ быһаарыммыт.