«Азия оҕолорун» уотун эстафетатын түмүктүүр түһүмэҕэ саҕаланна
Дьокуускай куоракка «Азия оҕолоро» норуоттар икки ардыларынааҕы спортивнай оонньуу уотун эстафетататын түмүктүүр түһүмэҕэ саҕаланна.
Уоту бастакы оонньуулар кыайыылаахтара, биллэр спортсменнар, Олимпимскай оонньуулар кыттыылаахтара, успуорт тэрилтэтин салайааччылара эстафета быһыытынан бэрсэн иһэллэр.
Эстафетаҕа уопсайа 80 киһи, ол иһигэр Ил Дархан Айсен Николаев, «Азия оҕолорун» норуоттар икки ардыларынааҕы кэмитиэтин бэрэсидьиэнэ Владимир Максимов, Арассыыйа Олимпийскай кэмитиэтин бэрэсидьиэнэ Станислав Поздняков, Дьокуускай мээрэ Евгений Григорьев, «Азия оҕолорун» урукку кыттааччылара сүүрдүлэр.
Оонньуулар уоттарын эстафетатын бастакынан факелга тутан Ил Дархан Айсен Николаев саҕалаата.
Үөрүүлээх быһыыга-майгыга сиэрин-туомун толорон баран, уоту «Туймаада» стадиоҥҥа аҕалыахтара.
Сообщить об опечатке
Текст, который будет отправлен нашим редакторам: