Байыаннай дьайыы кыттыылаахтарыгар көмө тохтообот

 #МЫВМЕСТЕ аахсыйа өрөспүүбүлүкэтээҕи ыстаабын волонтердара Саха сирин барытын хабан үлэлииллэр. Байыаннай дьайыы кыттыылаахтарын дьиэ кэргэннэриттэн киирбит  5300-тэн тахса көмөлөһөргө диэн аналлаах сайаапканы толордулар.

Бу туһунан доброволецтар ыстааптарын салайааччы  Айыллаан Винокуров иһитиннэрдэ. «Бүгүҥҥү күҥҥэ ыстаап күүскэ үлэлии олорор. «Блиндажная свеча» диэн аахсыйа түмүктэннэ, барыта 2 тыһ. тахса хомулунна.  Нам улууһун волонтердара, тэрилтэлэр исписэлиистэрэ, оскуола үөрэнээччилэрэ көхтөөхтүк кытыннылар», — диэн эттэ.

Волонтердар, доброволецтар байыастарга гуманитарнай таһаҕаһы тиэрдиигэ, таҥаһа-сабы тигиигэ көхтөөхтүк кытталлар.

«#МЫВМЕСТЕ өрөспүүбүлүкэтээҕи ыстаап  «Своих не бросаем» диэн аахсыйанан байыаннай дьайыыга сылдьааччыларга таҥаһы-сабы тигиини тэрийбитэ. Дьокуускай куоракка Орджоникидзе уулусса 10-гар байыаннай пуорманы тигиигэ таҥас матырыйаалы хомуйууну саҕалаатыбыт», — диэн Айыллаан Винокуров иһитиннэрдэ.

Байыаннай дьайыы кыттааччыларыгар гуманитарнай көмөнү оҥоруу аадырыһа: Дьокуускай куорат,  Орджоникидзе уул. 10.  Пуун үлэлиир кэмэ:  10:00 чаастан 19:00 диэри, өрөбүлэ суох.