«Бэрэсидьиэн доруобуйа харыстабылын өйүүрүн истэн эрэ билэр буолбатахпыт…»

Дойду бэрэсидьиэнэ Владимир Путин быһа эпиирин кэнниттэн сэҥээриилэр киирэ тураллар.

Өрөспүүбүлүкэтээҕи 2 №-дээх балыыһа-суһал мэдиссиинискэй көмө киинин кылаабынай бырааһа Иван Сергеевич Иванов санаатын маннык үллэһиннэ:

—Владимир Владимирович доруобуйа харыстабылын тиэмэтин билэрин уонна доруобуйа харыстабылын боппуруостарын өйүүрүн биһиги истэн эрэ билэр буолбатахпыт.
Мэдиссиинэ үрдүк технологиялаах аппарааттарынан, анал массыыналарынан хааччыллыы, «Тыа сирин доктора» уонна «Тыа сирин биэлсэрэ» бырагыраамалар төлөбүрдэрин кээмэйин улаатыннарыы, поликлиникалары, балыыһалары, быраас амбулаторияларын, биэлсэр-акушер пууннарын тутуу уо.д.а.

«Доруобуйа харыстабыла» уонна «Доруобуйа» национальнай бырайыактарынан олоххо киллэриллэллэр.
Доруобуйа харыстабылын бастакы сүһүөх звенотун модернизациялааһын бырагыраамата салҕанара кэрэхсэбиллээх. Тоҕо диэтэххэ, чуолаан бастакы сүһүөх звено үлэтиттэн эмтэнээччилэри маршрутизациялааһын уонна кинилэр салгыы хайдах эмтэнэллэрэ тутулуктаах. Ити билигин – дьоһун суолталаах хайысха.