Дьуһуурунай борокуруор иһитиннэрбитинэн түөкүннээһин, арыгы иһэн баран уруулга олоруу тохтообот

Дьуһуурунай борокуруор иһитиннэрбитинэн, суукка устата аҕыс иһитиннэрии киирбит.

Ол курдук, Дьокуускайга эр киһини өлөрүүнэн РФ ХК 105 ыст. 1 ч. холуобунай дьыала тэриллибит, уорбаланааччы тутуллубут.

Дьокуускайга, Нерюнгригэ уонна Хаҥалас улууһугар түөкүннээн 1,1 мөл.солк. харчыны сымыйанан полиция уонна РФ ЦБ «үлэһиттэрэ» аатыран, ону таһынан интим-өҥөнү оҥоробут диэн ылбыттара биллибит.

Дьокуускайга уоруу тахсыбыта бэлиэтэммит, итирэн баран массыынаны ыытыы быһаарыллыбыт. Мииринэй куоракка омук гражданинын сымыйанан учуокка туруоруу баара биллибит.

Орто Халыма улууһугар Сыбаатайтан 23 км сиргэ күөлгэ муус алдьанан, икки киһилээх «Буран» түспүт.  Быһылаан буолбут сиригэр чуолкайдааһын үлэтэ ыытыллар.

Киһи өлүүлээх суол-тырааныспар быһылаана бэлиэтэммэтэх. Алдан, Мииринэй уонна Томпо улуустарыгар үс киһи эчэйиилээх суол быһылаана буолбут.

Арыгы иһэн баран уруулга олорбут 9 киһи тутуллубут.