Дьуһуурунай борокуруор иһитиннэрэр

Ааспыт сууккаҕа Саха сиригэр 5 буруйу оҥоруу туһунан иһитиннэрии киирэн, өрөспүүбүлүкэ борокуратууратын уорганын хонтуруолугар сылдьар диэн суруйаллар.

Дьокуускай куорат икки олохтооҕо түөкүттэр угаайыларыгар киирэн биэрэн, 400 тыһ. солк. илии соттубут.

Эмиэ Дьокуускай куоракка наркотигынан эргиниини, итирик туруктаах хаттаан массыынаҕа олорооччуну тохтоппуттар.

Нерюнгри улууһун тэрилтэтэ 16 мөл. солк. тахса суумалаах түһээни төлөөһүнтэн куотуна сылдьарынан холуобунай дьыала тэриллибит.

Үөһээ Бүлүү улууһугар матасыыкыллаах киһи дьахтары түҥнэри көтөн, эмсэҕэлээбит дьахтары балыыһаҕа киллэрбиттэр.

Арыгы иһэн баран уруулга олорбут 21 суоппары туппуттар.