Дьуһуурунай борокуруор: икки оҕо саанан ытыллан балыыһаҕа киирдилэр

Саха сиригэр ааспыт сууккаҕа 5 буруйу оҥоруу бэлиэтэммит. Бу туһунан СӨ Борокуратууратын пресс-сулууспата суруйар.

Киин куоракка 1989 с.т. дьахтар доруобуйатыгар буорту оҥоһуллубут быһылаанынан бэрэбиэркэ ыытыллар. Дьокуускайга түөкүттэр албыннаан куорат олохтооҕуттан 140 тыһ. солк. уорбуттар, оттон Нам улууһугар эр киһи дьиэтин иһиттэн  40 тыһ. солк. тутан тахсыбыттар. Эмиэ киин куоракка наркотигы сокуоннайа суох эргинии тохтотулунна. Нам улууһугар иккиһин итирик туруктаах сылдьан уруулга олорбут суоппар тутулунна.

Хаҥалас улууһугар икки оҕо атахха саанан ытыллан балыыһаҕа киирдилэр, бу быһылааҥҥа сокуоннай сааһын ситэ илик оҕо алхас саанан ыппыта билиннэ.

Киин куоракка икки киһини түҥнэри көппүттэр, эмсэҕэлээбиттэр балыыһаҕа киирбиттэр.