Эдэр учуонайдарга ананар грант бүддьүөтэ улаатта

Ыччаты наука эйгэтигэр тардар сыалтан эдэр учуонайдарга, исписэлиистэргэ уонна устудьоннарга сыл аайы бэриллэр грант үбүнэн хааччыллыыта үс төгүл улаатар буолла. Өскөтүн бу күҥҥэ диэри граннарга уопсайа сылга 5 мөл. солк. көрүллэр эбит буоллаҕына, 2024 сылтан бу хайысхаҕа 15 мөлүйүөн көрүллэр буолуоҕа.

Ил Дархан өрөспүүбүлүкэ бырабыыталыстыбатыгар кэлэр сылга 750 тыһ. солк. суумалаах 20 граны олохтуурга дьаһал биэрдэ.

Санатан эттэххэ, 2021 сыл атырдьах ыйын 12 күнүттэн эдэр учуонайдарга сыл аайы  500 тыһыынча солк.суумалаах 10 грант көрүллэр этэ.

СӨ Ил Дарханын уонна СӨ Бырабыыталыстыбатын пресс-сулууспата