Өксөкүлээх Өлөксөй аатынан Норуоттар Доҕордоһууларын дьиэтигэр өрөспүүбүлүкэ устуоруйата саҥа үйэҕэ үүнэр-сайдар бастакы алгыһын түһэрэр XVI Олоҥхо ыһыаҕа Өймөкөөн улууһугар ыытылларынан сибээстээн, Тымныы полюһуттан төрүттээх араас улуустарга олорор дьон кыттыылаах «Өймөкөөнтөн истиҥ илдьит» диэн бэрт истиҥ кэнсиэр буолан ааста.
Кэнсиэр иннинэ педагогическай үлэ бэтэрээннэрэ Светлана Неустроева уонна Тамара Винокурова бэйэлэрэ көҕүлээн, Өймөкөөн улууһун кыраайы үөрэтээччиэрин кэлиҥҥи сылларга таһаарбыт кинигэлэрин быыстапкатын тэрийдилэр.
Кэнсиэргэ Өймөкөөнү кытта чугастык алтыспыт, бэйэлэрин ырыаларынан аан дойдуга тымныытынан аатырар Саха сирин брендинэн буолбут улууһу дорҕоонноохтук ааттаппыт саха эстрадатын сулустара кыттыыны ыллылар.
Ол курдук, Виталий Очиров, Кылаан Кындыл уонна Төрүт нэһилиэгиттэн төрүттээх эстрада сулустара Прокопий Федоров уонна Джумурат көрөөччүлэр дохсун ытыстарын тыаһын хомуйдулар.
Хас биирдии ырыа, үҥкүү Өймөкөөн кэрэ айылҕатынан, сис хайаларынан ойууланан доҕуһуолламмыта, дойдуларын ахтыбыт дьону олуһун долгутта. Кэнсиэр Олоҥхо ыһыаҕын суолтатын дириҥник арыйда.
Биир дойдулаахтар харчы хомуйан, Олоҥхо ыһыаҕын тэрээһиннэрин ыытар пуондаҕа 100 тыһыынча солкуобай көмө харчы оҥордулар.
Олоҥхо ыһыаҕар бэлэми өйүүр кэнсиэргэ улуус баһылыга Иннокентий Сивцев биир дойдулаахтарыгар өйөбүллэрин иһин махтанна уонна бары ыһыахха ыалдьыт курдук буолбакка, ыытааччы, тэрийээччи буолан, биир түмсүүлээх буоларга ыҥырда.
Ил Түмэн вице-спикерэ Александр Жирков Өймөкөөҥҥө ыытыллар Олоҥхо ыһыаҕын суолтатын бэлиэтээтэ.
Олоҥхо ыһыҕын ыытар Сүбэҕэ научнай салайааччы, социологическай наука дуоктара Ульяна Винокурова истиҥник саныыр Өймөкөөнүн туһунан аҕынна.
Өймөкөөн улууһугар 60-тан тахса араас омук дьоно биир дьиэ кэргэн курдук түөлбэлээн олороллор. Кэнсиэргэ Өксөкүлээх Өлөксөй аатынан араас норуоттар түмсүүлэрин ыччаттара Өксөкүлээх хоһооннорун ааҕан, эҕэрдэлэрин тиэртилэр.
Өймөкөөнтөн төрүттээх, ыкса сибээстээх киин куоракка олорор дьон «Өймөкөөнтөн истиҥ илдьит» кэнсиэргэ бэйэ-бэйэлэрин кытта көрсөн, олус астынан тарҕастылар.
Быйыл ахсынньыга Саха сиригэр «Хаар баабыр» («Снежный барс») XXVII Өрөспүүбүлүкэтээҕи байыаннай-успуорт оонньуулара былааннаналлар. Бу тэрээһин…
Анал байыаннай дьайыы зонатыгар Саха сирин тирэх пууннарын үлэһиттэрэ нэдиэлэ иһигэр 11 төгүл тахса сырыттылар.…
Дьокуускайдааҕы Саха политиэхиньиичэскэй лиссиэйигэр «Пилоты будущего» диэн дрону салайыыга Бүтүн Арассыыйатааҕы куонкурус эрэгийиэннээҕи түһүмэҕэ түмүктэннэ.…
Ил Түмэҥҥэ судаарыстыбаннай уонна уопсастыбаннай диэйэтэл, Саха Өрөспүүбүлүкэтин норуотун хаһаайыстыбатын үтүөлээх үлэһитэ, «Бочуот Знага», «Үлэ Кыһыл…
СӨ Тырааныспарга уонна суол хаһаайыстыбатыгар министиэристибэтэ өрөспүүбүлүкэ иһинээҕи улуустар икки ардыларыынаҕы оптуобус маршруттарын үлэтин туһунан…
Нам оройуонун киин балыыһатын саҥа куорпуһа быйыл муус устарга үлэҕэ киириэҕиттэн үрдүк түмүктэри көрдөрөр. Бу…