Евгений Федоров: «Быыбарга бэлэмнэнии үрдүк»

Сарсыҥҥыттан, кулун тутар 15 күнүттэн дойду бэрэсидьиэнин быыбара саҕаланар. Саха сирэ дойду сүрүн быыбарыгар төһө бэлэмин туһунан Саха сиригэр Быыбар киин хамыыһыйатын бэрэссэдээтэлэ Евгений Федоровтыын «Актуальное интервью» биэриигэ кэпсэттилэр.

-Бу быыбарга хас да ыйдаах бэлэмнэнии үлэтэ барда. Арассыыйа федерациятын 89 субъегын быыбардыыр хамыыһыйаларын 900 тыһыынча чилиэнэ олус улахан үлэни ыытта. Сарсын 8 чаастан быыбардыыр учаастактарга үлэбит саҕаланыаҕа.
Бэлэмнэнии үрдүк таһымнаах, олус элбэх үлэ ыытылынна. Бастатан туран, былаас ситэриилээх уорганнарын, федеральнай уорганнары, олохтоох бэйэни салайыныы уорганнарын уо.д.а. кытары сөптөөх үлэ оҥоһулунна.
Быыбардыыр учаастактарга усулуобуйа, ол иһигэр докумуоннары тириэрдиигэ тэрилиннэ, -– диэн Евгений Федоров сарсыҥҥы быыбарга бэлэмнэнии туһунан кэпсээтэ.