Гостиницаҕа хонооччу буолан, 394 тыһ. солк. уордарбыт

Бу устуоруйа аны салгыылаах буолбут.  Сарсыарда эр киһиэхэ ийэтэ эрийэн, 100 тыһ.солк. туохха наадыйбытын токкоолоспут. Ол курдук сарсыарда эрдэ ийэтэ киниэхэ харчы ыыппыт эбит, ол харчыта эмиэ мэлийбит.

Полиция үлэһиттэрин суһал-ирдиир үлэлэрин түмүгэр биллибитэ, уорбаланааччы 37 саастаах илин эҥээр дьахтара эбит. Дьахтар эр киһи утуйа сыттаҕына  счетуттан  294 000 солк. уоран ылбытын туһунан билиммит.  Итиэннэ эр киһи төлөпүөнүгэр ийэтин кытары кэпсэтиини ааҕан баран, кини аатыттан  100 000 солкуобайы көрдөөн ыыттарбыт. Ол харчыны эмиэ уорбут. Дьэ буолар да эбит.

Дьахтар уоруллубут харчынан иэстэрин саппыт.

Билигин уоруйах дьахтарга РФ Холуобунай кодексын «Уоруу» диэн 159 ыстатыйанан холуобунай дьыала тэриллибит диэн Ис дьыала министиэристибэтин пресс-сулууспата иһитиннэрдэ.