Харчылаах суумканы ылан баран куоппут

ИДЬМ 3 №-дээх полициятын отделын дьуһуурунай чааһыгар биир эр киһи гарааһыттан 20 тыһыынча суумалаах харчытын уорбуттарын туһунан иһитиннэрдэ.
Суһал-көрдүүр тэрээһиннэр түмүктэринэн холуобунай ирдэбил үлэһиттэрэ урут сууттана сылдьыбыт Хаҥалас улууһун 36 саастаах киһитин туттулар. Уорбаланар уонна эмсэҕэлээччи киһи Беринг уулуссатыгар баар маҕаһыын таһыгар билсибиттэр. Уорбаланааччы киһи эмсэҕэлээччиттэн баан каартатыгар баар харчытын уу харчыга уларытарга көрдөспүт. Онуоха эмсэҕэлээччи сөбүлэспит уонна каартатын ыла барар кэмигэр гарааска хаалан күүтэригэр эппит. Оттон куһаҕаны оҥорорго соруммут киһи гараас иһигэр массыынаҕа суумка баарын бэлиэтии көрбүт уонна түгэнинэн туһанан, 20 тыһыынча харчылаах суумканы ылан баран куоппут.
Бу киһиэхэ РФ Холуобунай кодексатын 158 ыст. 2 ч. холуобунай дьыала тэрилиннэ. «Уоруу» ыстатыйанан буруйу оҥорооччу 5 сылга диэри көҥүлэ быһыллыан сөп.

СӨ ИДьМ пресс-сулууспатын саайтыттан.