Хортуоппуй хомуура саҕаланна
03.09.2024, 18:45
Хаартыска: Кирилл Черепанов.
Бөлөххө киир:
Биирдиилээн бөдөҥ хаһаайыстыбаларынан оҕуруот аһын күһүҥҥү хомууругар киирэн эрэллэр. Онон бу күннэргэ эппиэтинэстээх кэм үүннэ.
Холобур, Хоточчу нэһилиэгэр Александр Егоров бааһынай хаһаайыстыбатын 8 гектар иэннээх бааһынатыгар хортуоппуй үүнүүтүн хомуйуу саҕаланна. Хонууга олохтоох оскуола оҕолоро хаһаайыстыбаҕа сөптөөх көмөнү оҥороллор. Бу туһунан «Хаҥалас» хаһыат суруйар.
«Саҥа үөрэх дьыла саҕаламмытынан хортуоппуйу хомуйууну эрдэ саҕалаатыбыт. Хортуоппуйу оройуон оскуолаларыгар уонна оҕо уһуйааннарыгар туттарабыт уонна сакааһынан тарҕатабыт. Хамбаайын көмөтүнэн түргэнник хортуоппуйу хостоотубут, ол кэннэ оҕолор куулларынан хаалыллар. Үүнүү сүрүн хомуура балаҕан ыйын 3 күнүттэн саҕаланар. Хомуур үлэтигэр оскуола үлэһиттэрэ эмиэ көмөлөһөллөр, биһиги кинилэргэ эмиэ шефтэһии былаанынан көмөлөһөбүт. Сайын кураан буолан, бааһынаҕа хаста да төгүл уу куппупут, бүтэһигэр үчүгэй ардах түһэн ааспыта. Быйыл орто үүнүүнү күүтэбит. Хортуоппуйу таһынан өссө үс гектарга хаппыыста олордубуппут», — диэтэ Александр Егоров.
Кирилл Черепанов.
+1
4
+1
+1
+1
+1
+1
+1
Сообщить об опечатке
Текст, который будет отправлен нашим редакторам: