Кэлэр нэдиэлэҕэ Дьокуускайга Эрмитаж күннэрэ ыытыллыахтара

Алтынньы 25-28 күннэригэр Дьокуускайга Эрмитаж күннэрэ ыытыллыахтара. Тэрээһин Национальнай Художественнай түмэл 95 сыллаах үбүлүөйүн чэрчитинэн ыытыллар.

Бу тэрээһин сүрүн быыстапкатынан Судаарыстыбыннай Эрмитаж хомуурунньугуттан таҥыллыбыт “Часы и эпоха” экспозиция буолуоҕа. Ити күннэргэ быыстапка иһинэн VR-киинэ тыйаатыра үлэлиэҕэ. Аныгы технология көмөтүнэн быыстапка ыалдьыттара “Юпитер саалата”, “Түҥ былыргы уруһуй устуоруйата” уонна “Эрмитаж: Константин Хабенскайдыын устуоруйаҕа уһуйуу” диэн виртуальнай быыстапкалары көрүөхтэрэ.