Киин куоракка 41 саастаах эр киһини түҥнэри көттүлэр

Социальнай ситимнэринэн киин куоракка Николай Щорс аатынан күөл аттыгар массыына оҕолору түҥнэри көппүтүн туһунан киэҥник тарҕаммыт иһитиннэриинэн, бэҕэһээ, ыам ыйын 11 күнүгэр, киэһэ 19 чааска Лермонтов аатынан уулуссаҕа 58/1г дьиэтин таһыгар бэлэсипиэдтээх 41 саастаах эр киһини түҥнэри көппүттэрин чахчыта быыһаарылынна.

Силиэстийэ быһаарбытынан, «Тойота Марк -2» массыына 31 саастаах суоппара бэлэсипиэдинэн айаннаан испит 41 саастаах эр киһини түҥнэри көппүтэ билиннэ. Быһылаан кэнниттэн суоппар саахал буолбут сириттэн куоппут. Бу чахчытынан бэрэбиэркэ ыытыллар диэн Госавтоинспекция пресс-сулууспата иһитиннэрэр.