Коронавируһунан ыалдьыбыт дьон 17%-на балыыһаҕа эмтэнэр

Тохсунньу 20 күнүнээҕи туругунан, ааспыт суукка иһигэр өрөспүүбүлүкэҕэ 53 киһи коронавируһунан ыалдьыбыта билиннэ, кинилэртэн 13 киһи балыыһаҕа киирдэ. Ол туһунан өрөспүүбүлүкэтээҕи суһал ыстаап иһитиннэрэрдэ.

Дьокуускайга ааспыт суукка устата барыта 25 киһи ыалдьыбытыттан, 13 киһи балыыһаҕа киирбит. Үөһээ Бүлүү, Мииринэй оройуоннарыгар – 5-тии киһи, Алдан, Нерюнгри оройуоннарыгар – 4-түү, Кэбээйи, Мэҥэ Хаҥалас, Ньурба, Орто Халыма, Сунтаар улуустарыгар – 2-лии киһи ыалдьыбыт.

Тохсунньу 20 күнүгэр ыалдьыбыт дьон 17%-ра балыыһаҕа сытан эмтэнэр. Суукка иһигэр 115 киһи үтүөрбүт.