Күнү-дьылы кэтээн көрөөччүлэр хас да улууска хаар күүскэ түһүөҕүн уонна тибиилээх буолуоҕун сэрэттилэр

Алтынньы 18 күнүгэр Алдан, Нерюнгри, Үөһээ Халыма, Орто Халыма, Аллараа Халыма удуустарыгар хаардыа, сорох сиринэн хойуутук түһүө, хаардаах силлиэ буолуо уонна күүһүрэригэр сөкүүндэҕэ 15-18 м. тиийэр тыал түһүө диэн билгэлииллэр. Бу туһунан Саха сиринээҕи гидрометеорологияны, тулалыыр эйгэни кэтээн көрөр управление иһитиннэрэр.

Саха сирин баһыйар үгүс өттүгэр кыратык хаардыа. Киин улуустарга түүнүн -10…-15 кыраадыска тиийиэ, өрөспүүбүлүкэ соҕуруу өттүгэр, Халымаҕа — -5…-10 кыраадыс буолуо. Хоту түүнүн -20…-25 диэри тымныйыа, намыһах сирдэринэн -30…-35 кыраадыска тиийэ тоҥоруо.

Дьокуускайга түүнүн кыратык хаардыа. Күнүһүн сөҥүүтэ суох, түүнүн салгын температурата -7…-9, күнүһүн -4…-6 кыраадыс буолуоҕа.