Массыынаны күрэтии, болкуонтан сууллуу…

Суукка устата өрөспүүбүлүкэҕэ буруйу оҥоруу 6 түбэлтэтэ бэлиэтэннэ. Бу барыта СӨ Борокуратууратын хонтуруолугар киирдэ. 

Дьокуускай куоракка  түөкүннээһиҥҥэ холуобунай дьыала тэрилиннэ. Ол курдук балыыһа мэдиссиинскэй сиэстэрэтиттэн албыннаан туран 670 тыһ. солк. уордулар.  Киниэхэ түөкүттэр Биэнсийэ пуондатын үлэһитин аатыттан эрийбиттэр.

Эмиэ киин куоракка «Тойота Аксио» уонна  «Тойота Раш»  массыыналары күрэтэн барбыттара билиннэ.

Дьокуускайга Можайскай уулуссаҕа баар дьиэттэн араас эчэйиини ылан 1990 сыллаах төрүөх киһи  госпитализацияланна. Эр киһи үһүс этээстэн болкуонуттан сууллубут.