Ньурба ыраас иһэр уунан хааччылынна

Ньурба улууһун Ньурба куоратыгар ууну ыраастыыр ыстаансыйа үлэҕэ киирдэ. Бу олохтоохтору хаачыстыбалаах иһэр уунан хааччыйыаҕа. Эбийиэк “Олох-дьаһах уонна куорат эйгэтэ” национальнай бырайыак “Ыраас уу” федеральнай бырайыагын иитинэн тутулунна.  

“Саҥа ыстаансыйа сууккаҕа 1200 кубометры оҥорон таһаарар. Манна икки үрдэллээх ууну ыраастыыр ыстаансыйа, ыраас уу үс резервуара уонна 6,2 км уһуннаах магистральнай ситим киирэр. Ньурба олохтоохторун барыларын туох даҕаны омуннааһына суох кэтэһиилээх түгэннэринэн эҕэрдэлиибин. Саҥа сылы көрсө бу бэртээхэй бэлэх буолар!” – диэн Бырабыыталыстыба бэрэссэдээтэлин бастакы солбуйааччы Дмитрий Садовников эттэ.

Ньурбаҕа ууну ыраастыыр ыстаансыйа тутуута быйыл саҕаламмыта. Сакаасчытынан Ньурба улууһун “ИСУ” тэрилтэтэ быһаарыллыбыта, оттон бэдэрээтчитинэн — «Сибтрансстрой» тэрилтэ.

Билигин Батаҕай бөһүөлэгэр, Алтан, Бэрдьигэстээх сэлиэнньэлэригэр, ону тэҥэ, Өлүөхүмэ куоракка (иккис түһүмэҕэ) ууну ыраастыыр ыстаансыйалар, Хаҥалас улууһун Бэстээх сэлиэнньэтигэр ууну хааччыйар ситим тутуулара бүтэн эрэр.

Ил Дархан уонна Бырабыыталыстыба пресс-сулууспата.