Олоҥхо ыһыаҕар «Көмүс күрүө» былаана бигэргэннэ

Бу күннэргэ от ыйын 1-2  күннэригэр ыытыллар Олоҥхо ыһыаҕын үгүс былааннара силигин ситэн, бигэргэннилэр. 

Ол курдук, улуустааҕы култуура управлениетын салайааччыта Аксиния  Сивцева бэлиэтээбитинэн, Өймөкөөн улууһун Томтор нэһилиэгэр «Көмүс күрүө» этнографическай комплекска ыытыллар Олоҥхо ыһыаҕын генеральнай былаана бигэргэннэ.

Бу туһунан улуустааҕы «Северная заря» хаһыат бэйэтин телеграм-ханаалыгар иһитиннэрдэ.

Бэс ыйын 20 күнүгэр Олоҥхо ыһыаҕын бары эбийиэктэрин бэдэрээчиттэрэ үлэлэрин кэмигэр түмүктээн, хамыыһыйаҕа туттарыахтара.

Бу иннинэ Олоҥхо ыһыаҕын култуурунай бырагыраамата бигэргэммитэ.