Сааһын ситэ илик оҕоҕо арыгы атыылаан тутулуннулар

ИДьМ пресс-сулууспата иһитиннэрбитинэн, Дьокуускайга сааһын ситэ илик оҕоҕо арыгы атыылаабыттар. ИДьМ Дьокуускайдааҕы 1-кы №-дээх полиция салаатын үлэһиттэрэ сэрэтэр рейдэлэргэ сылдьан, Лермонтов аатынан уулуссаҕа баар арыгы атыытынан дьарыктанар баарга сокуону кэһиини туппуттар.

Ол курдук, баар үлэһитэ сааһын ситэ илик оҕоҕо арыгы атыылаабыт. Оттон бу баар иккис үлэһитэ арыгы атыыланар бириэмэтин тутуспакка атыылыы турбут.

Арассыыйа Федерациятын административнай быраабы кэһии кодексатын 14.2 ыст  уонна 14.16 ыст 2.1 ч. административнай боротокуол толоруллубут, ону сэргэ баар хаһаайына 14.16 ыст. 3 ч. административнай быраабы кэһиинэн эппиэтинэскэ тардыллыбыт.