17 саастаах кыыс өлүгэ көһүннэ

Дьокуускайга 17 саастаах кыыс балаҕан ыйын 25  күнэ үүнэр  түүнүгэр Петр Алексеев аатынан уулусса 2/2 №-дээх дьиэттэн тахсан барбытын туһунан иһитиннэрии социальнай ситимнэргэ тарҕаммыта. Ити кэм устата кини ханна сылдьарын туһунан дьонугар тугу даҕаны биллэрбэтэх.

Дьоно сүтүктээн кыыс сүппүтүн туһунан сураҕы хаартыскалаан социальнай ситимнэргэ киэҥник тарҕаппыттара.  СӨ Силиэстийэлиир кэмитиэтин Дьокуускайдааҕы силиэстийэлиир салаатын пресс-сулууспата иһитиннэрбитинэн, 17 саастаах кыыс өлүгэ көстүбүт. Билиҥҥи туругунан оҕо туохтан өлбүтүн быһаарар үлэ ыытылла турар.