Саха сиригэр Социальнай-психологическай өйөбүл киинэ саҥардыллар
29.08.2024, 18:45
Хаартыска: www.sakha.gov.ru
Бөлөххө киир:
Саха сиригэр быйыл сыл бүтүүтэ өрөмүөн кэнниттэн Социальнай-психологическай өйөбүл киинэ аһыллыаҕа.
Бу туһунан СӨ Ил Дарханын уонна Бырабыыталыстыбатын пресс- сулууспата суруйар. Тэрилтэ салайааччыта Владимир Скрябин иһитиннэрбитинэн, өрөмүөн үлэтэ «Үөрэхтээһин» национальнай бырайыагын чэрчитинэн олоххо киллэриллэр «Регион для молодых» ыччат бэлиитикэтин кэлимник сайыннарыы бырагырааматынан ыытыллар. Кииҥҥэ коворкинг саҥа зоналара, саҥардыллыбыт бибилиэтиэкэ, консультациялары уонна трениннэри ыытар саалалар үлэлиэхтэрэ.
«Саҥа усулуобуйалар социальнай тэрээһиннэргэ ыччат көхтөөх кыттыыны ыларыгар, ону сэргэ бэриллэр өҥө хаачыстыбатын биллэрдик үрдэтэригэр эрэнэбит», — диэн Владимир Скрябин бэлиэтээтэ.
Санатан эттэххэ, былырыын Саха сирэ «Регион для молодых» ыччат бэлиитикэтин кэлимник сайыннарыы бырагырааматын Бүтүн Арассыйатааҕы куонкуруһугар кыттан, 98 мөл. солк. суумалаах субсидияны ылары ситиспитэ. Бырагыраамаҕа Дьиэ кэргэн уонна ыччат социальнай- психологическай өйөбүлүн киинэ, «Подросток» уонна Көҥүл өттүнэн баҕалаахтары кытта үлэлиир киин киирбиттэрэ.
+1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: