Саха сиригэр сорох улуустарынан -26°С диэри тымныйыа

Саха сирин үгүс өттүгэр бүгүн, алтынньы 15 күнүгэр, кыралаан хаар түһэрэ күүтүллэр. Ленскай оройуонугар соҕуруулуу-арҕааттан сөкүүндэҕэ 15-17 м. түргэннээх күүстээх тыал түһэрэ сабаҕаланар. 

Салгын температурата түүн -5-10°С кыраадыс тымныы, соҕуруу улуустарынан -13-18°С, былыта суох буоллаҕына  хотугулуу-илин өттүгэр -21-26°С кыраадыска диэри тымныйар. Күнүс салгын температурата -1-6°С, хотугулуу-илин -10-15°С кыраадыс тымныы.

Дьокуускайга кыралаан хаар түһэрэ сабаҕаланар, хотуттан 2-5 м түргэннээх тыаллаах.  Салгын температурата түүн -8-10°С, күнүс -3-5°С кыраадыс тымныы.