Салгыы
Саха сирин байыастара күрдьэҕинэн дрону алдьаттылар

Саха сирин байыастара күрдьэҕинэн дрону алдьаттылар

Ааптар:
24.10.2022, 12:08
Бөлөххө киир:

Саха сириттэн анал байыаннай эпэрээссийэҕэ кытта сылдьар икки эр киһи Украина ыыппыт гранаталардаах дронун алдьаппыттар. Бу туһунан ТайгаПост суруйар.

Алдантан сылдьар 40 саастаах Алексей балаҕан ыйын 23 күнүгэр  быстах хомуурга хабыллыбыт. Кини кэргэнэ Юлия этэринэн, Алексейы бастаан Дьокуускайга, онтон Владивостокка илдьибиттэр. Мантан салгыы Сергеевка полигонугар барбыт. Аҕыйах хонугунан Алексей номнуо эпэрээссийэҕэ кытта барбыт.

Алексей Чемез диэн хос ааттаах саха киһитин кытта Украина беспилотнигын алдьаппыттарын видеота тарҕанна. Алексей балааккаттан тахсыбыта талах быыһыгар дрон тыаһыыра иһиллибит. Ону аттыгар баар сапернай күрдьэҕи быраҕан алдьаппыт. Дрон салгыы көппөтүн диэн, Чемезтиин дьааһыгынан баттаппыттар.

Кэлин сапердар кэлэн, беспилотникка иилиллэ сылдьар гранаталары туурбуттар. Маннык дроҥҥа кинилэр өссө түбэһэ иликтэр эбит. Чемез диэн кимин Юлия билбэт, Дьокуускайтан сылдьар диир. Алексей тымныйан, билигин Ростовтааҕы госпиталга сытар эбит. Кэргэнэ киниэхэ айаннаары сылдьар.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
23 мая
  • 18°C
  • Ощущается: 16°Влажность: 22% Скорость ветра: 4 м/с

Сообщить об опечатке

Текст, который будет отправлен нашим редакторам: