Сорох сиринэн сөкүүндэҕэ  15-20 миэтэрэ түргэннээх тыал түһэрэ күүтүллэр

Бу күннэргэ өрөспүүбүлүкэ баһыйар үгүс улуустарыгар тымныы күннэр тураллар. Дьокуускайдааҕы УГМС иһитиннэрэринэн, тохсунньу 16 күнүгэр  Горнай, Нам, Хаҥалас, Чурапчы, Таатта, Уус Алдан,  Амма, Томпо, Уус Маайа,  Алдан, Өлүөхүмэ, Ленскэй, Мииринэй, Сунтаар, Ньурба,  Үөһээ Бүлүү, Бүлүү, Кэбээйи, Өлүөхүмэ улуустарыгар  -52-57°, сорох сиринэн  -57-62° кыраадыска диэри тымныйыа.

Арктика кытылынан сөкүүндэҕэ  15-20 миэтэрэ түргэннээх тыал түһүөҕэ.  Температура түүн  -45-50°, хоту, киин, соҕуруулуу-арҕаа, Өлүөнэ аллараа тардыытынан  -53-58°, хотоол сиргэ, хотугулуу-илин  -60° кыраадыска диэри тымныйыа.