Сунтаардар ордук тыа хаһаайыстыбатын боппуруостарын туруорсаллар

Сунтаарга СӨ ситэриилээх былааһын отчуотун бырабыыталыстыба дэлэгээссийэтэ хас да бөлөххө арахсан үлэлиир. 

Бүгүн бастакы бөлөх  Күндэйэҕэ мунньаҕы саҕалаата. Отчуоту истээри «Ил» култуура дьиэтигэр олохтоохтор толору кэллилэр.

«Күндэйэлэри тыа хаһаайыстыбатын салаата сайдыытыгар ханнык үлэлэр тиһиктээхтик ыытыллаллара интэриэһиргэтэр. Манна араас таһымнаах үлэ ыытыллар. Саҥа дьаһаллар Бырабыыталыстыба да, министиэристибэ да өттүттэн тахса тураллар. Нэһилиэнньэҕэ маны тириэрдии, иһитиннэрии күүстээхтик барыахтаах диэн Бырабыыталыстыба бэрэссэдээтэлин солбуйааччы Георгий Степанов эппиэттээтэ.  Олохтоохтор үүт туттарыытын, соҕотуопкатын, былаан тоҕо куччаабытын ыйыттылар.  Бу ыйытыыларга улуустааҕы тыа хаһаайыстыбатын управлениетын салайааччыта Владимир Анисимов быһааран биэрдэ», — диэн «Сунтаар сонуннара» хаһыат иһитиннэрдэ.