Салгыы
Тускул: «Бу күннэргэ Кытайтан итии циклон кэлэн турар»

Тускул: «Бу күннэргэ Кытайтан итии циклон кэлэн турар»

26.10.2022, 14:53
Бөлөххө киир:

Бу күннэргэ үгүс улуустарга хаһааҥҥытааҕар да ичигэс халлаан туран соһутта.

«Хаһан тымныйыай? Тоҕо маннык ичигэс  күн-дьыл турарый?» , — диэн ыйытыылаах норуот синоптига Тускултан туоһуластыбыт.

Бастатан туран, бу  күннэргэ Кытайтан итии циклон кэлэн турар. Улахан сис былыт ичигэс салгыны аҕалла. Иккиһинэн, Хотугу Муустаах муора ирэн, ледоколлар сылдьыбаттар. 2014 сылтан сылыйыы күүскэ бара турар. Ити иккис улахан охсуу. Онон сэтинньи 10 күнүгэр  диэри улахан тымныы суох. Ол кэннэ -10, онтон -20 кыраадыс тымныйан барыаҕа.   

Уопсайынан, быйыл сэтинньи уонна ахсынньы ыйдарга улахан тымныы суох, ичигэс  кыһын буолар чинчилээх, —  диэн Тускул бэйэтин санаатын тиэртэ.

Тымныы полюһунан аатырар  Өймөкөөн улууһун Төрүт нэһилиэгэр   бэҕэһээҥҥэ диэри сир харанан туран баран, алтынньы 25 күнүгэр күүтүүлээх хаар дьэ түстэ.

Нэһилиэк аайы ынах уонна сылгы сүөһү дьааттаах оту сиэн эбэтэр ууга түһэн өлбүт сурахтара батсаапка кэлэр. Идэһэ кэмэ эмиэ уһаан биэрдэ. Онон кэлиэх эрээри, кэлэн быстыбат кыһыммытын бары быйыл хаһааҥҥытааҕар да өр  кэтэстибит.

Хаартыска — ааптар уонна Андрей Сорокин, СИА.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
23 мая
  • 18°C
  • Ощущается: 16°Влажность: 22% Скорость ветра: 4 м/с

Сообщить об опечатке

Текст, который будет отправлен нашим редакторам: