Тускул олунньуну билгэлээтэ

Өбүгэ түҥ өйдөбүлүнэн олунньу — төгүрүк сыл тиһэх онус ыйа. Былыргылар Ынах Таҥарата диэн бэлиэтииллэрэ.

Норуот синоптига Тускул үгэс быһыытынан олунньуну туох диэн билгэлээбитин кытта билсиэҕиҥ.

— Олунньу 12-с күнүгэр Дьыл оҕуһун биир муоһа тостор.Бу ыйы 24-с күнүгэр иккис муоһа туллар. Кыра Одун чугаһыыр. Олунньу — Дьыл оройо. Кыстык кэм — 220 хонук. 110 хонук кэннэ — олунньу 1 күнүгэр  Дьыл оройо буолар. Кыһыҥҥы хонук аҥаара бүтэр. Кыстыкка бэлэмнэммит ас аҥаара сиэниллэр. Маҥхааһайга бурдук, кыбыыга от лоп курдук аҥаара хаалбыт буоллаҕына, үчүгэйдик сыл тахсыахха сөп. Олунньуга  саас кэлиитин уонна хайдах сайын кэлэрин бэрэбиэркэлииллэр. Ый хаһыс күнүгэр сылыйар да, кэлэр ыйга ол кэмҥэ бэлиэтээһин буолар. Олунньуга сылаас, былыттаах буоллаҕына, сайына кураан, тымныы буоллаҕына – сайына ардахтаах. Тымныы тостор, сис былыт олунньу 15-20 күннэригэр кэлэр.

Олунньу — Хомуһун ыйа. Ол эбэтэр этэр тыл ис чиҥэ, иччитэ күүһүрэр. Хомуһуннаах тылтан сэрэнэр ордук. Бу ыйга тыл ис күүһүн туһанар анал кэм эбит. Олунньу 13 күнүгэр  ол иһин Ийэ тыл күнүн бэлиэтиибит.

 Улуустарынан анаардахха,  үгүс улууска олунньу 12 күнүттэн дьыбар тахсар буолар, оттон 24 күнүттэн кыһын ахсыыр. Былыргылар этэллэринэн, Тымныы Оҕуһун кута-сүрэ тостор. Олунньуну атырдьах ыйа батыһар.

 КИИН УЛУУСТАР

Урукку сылларга тэҥнээтэххэ, олунньу сымнаҕас буолара сабаҕаланар. Хаара олох суох. Ол курдук, I дэкээдэҕэ тымныы соҕус: күнүс -35С, -37С кыраадыс, түүн -45С,-41С тымныы, кыраһа хаара кэмчи. II дэкээдэҕэ сөҥүүтэ суох да, сылаас соҕус: күнүс -35, -31С кыраадыс, түүн -41С, -35С  кыраадыс тымныы.  III дэкээдэҕэ хаара олох суох. Биллэ сылыйар: күнүс-27С, -24С кыраадыс тымныы, түүн  -34С, -30С  кыраадыс тымныы.

 БҮЛҮҮ БӨЛӨХ УЛУУСТАР

Бүлүү эҥэр улуустарга бу ый сымнаһыар уонна хаардаах буолсу. Бастакы уон күн – сылаас: күнүс -37С, -33С кыраадыс, түүн -43С, -39С тымныы. II дэкээдэҕэ хаара олох суох — күнүс -30, -29С кыраадыс, түүн  -38С, -30С  кыраадыс тымныы. III дэкээдэҕэ хаара олох суох. Ол гынан былыттаах буолан, улахан тымныы түһүө суох. Күнүс-24, С-21С кыраадыс, түүн  -29С -25С  кыраадыс тымныы.

 ӨЛҮӨХҮМЭ, АЛДАН, НЕРЮНГРИ:

Соҕуруулуу-арҕаа улуустарга I дэкээдэҕэ кыра хаардаах, ол түмүгэр былыттаах күннэрэ баһыйан, улаханнык тымныйыа суох.

 I дэкээдэҕэ күнүс -37С, -32С кыраадыс тымныы, түүн -45С, -40С тымныы. II дэкээдэҕэ хаара олох. Күнүс -20С, -17С кыраадыс, түүн  -27С, -23С  кыраадыс тымныы. III дэкээдэҕэ  хаара олох суох. Күнүс-20С, -16С кыраадыс, түүн  -27С — 24С  кыраадыс тымныы.

ӨЙМӨКӨӨН УЛУУҺА:

 Өймөкөөн — Саха сирин саамай тымныы улууһунан биллэр. I дэкээдэҕэ күнүс -40С, -36С кыраадыс тымныы, түүн -46С,-42С тымныы. II дэкээдэҕэ күнүс -41С, -36С кыраадыс, түүнүн -43С, -37С  кыраадыс тымныы. III дэкээдэҕэ күнүһүн -36С, -33С кыраадыс, түүн -43С-39С кыраадыс тымныы.

 ДЬААҤЫ УЛУУҺА:

Олунньуга 1-кы дэкээдэҕэ кыра хаардаах курдук. Онон урукку сыллардааҕар сымнаһыар курдук. I дэкээдэҕэ күнүс -45С, -37С кыраадыс, түүн -48С, -44С тымныы. II дэкээдэҕэ күнүһүн -43С-37С кыраадыс, түүнүн -43С, -40С  кыраадыс тымныы. III дэкээдэҕэ былыт кэлэринэн арыый да сымныыһы. Күнүс -36С, -32С кыраадыс тымныы, түүн -43С, -40С кыраадыс.

 АБЫЙ, МУОМА, ХАЛЫМА УЛУУСТАРА:

Халыма-Индигиир эҥэр улуустарга олунньуга бастакы дэкээдэҕэ кыра хаардаах. Урукку сылларга тэҥнээтэххэ, бастакы дэкээдэҕэ тымныы: күнүс -40С-38С кыраадыс тымныы, түүн -43С-40С. II дэкээдэҕэ хаара суох, көннөрү тымныы буолсу, күнүһүн -32С-23С кыраадыс тымныы, түүнүн -42С-39С  кыраадыс тымныы. III дэкээдэҕэ күнүһүн -30С-28С кыраадыс тымныы, түүн -41С, -37С кыраадыс тымныы.

АНААБЫР, ӨЛӨӨН, ТИКСИИ:

Артика эҥэр улуустарга бастакы дэкээдэҕэ хаардаах. Иккис, үһүс дэкээдэҕэ хаар суоҕун кэриэтэ. Бу ыйга I дэкээдэҕэ күнүс -37С-33С кыраадыс тымныы, түүн -37С-32С тымныы. II дэкээдэҕэ хаара суох, көннөрү тымныы: күнүһүн -33С, -38С кыраадыс, түүн -34С-40С  кыраадыс тымныы. III дэкээдэҕэ күнүһүн -28С-26С кыраадыс, түүн -30С-32С кыраадыс тымныы.