ВИДЕО: Уус Алдан Кэптэнитигэр биэнсийэлээх Михаил Софронов каток оҥордо

Уус Алдан улууһун Кэптэни нэһилиэгин олохтооҕо Михаил Софронов хас саас ахсын Кэптэни эбэтигэр каток оҥорорун туһунан «Мүрү саһарҕата» хаһыат телеграм-ханаала иһитиннэрэр. Кини быйыл эбэҕэ муус үрдүнээҕи хаары күрдьэҕинэн ыраастаан бэлэмнээбит уонна бар дьонун хаҥкылыы кэлэллэригэр ыҥыран, бассаапка илдьитин тарҕаппыт.

Михаил Петрович: “Үтүө күнүнэн! Оҕолорбутугар анаан сибиэһэй салгыҥҥа тахсан оонньуулларыгар катокпут аһыллынна, кэлиҥ, дуоһуйа сынньаныҥ”, — диэн биллэриитин кэптэнилэр бассаап-бөлөхтөрүгэр ыыппыт.

Михаил Петрович 30 сыллааҕыта төтөбүтгэр эчэйии ылан, иккис группалаах инбэлиит буолбут. Кэргэнин Мария көмөтүнэн уонна күүстээх дьарыгы ааһан атаҕар утрбут. Саас аайы бэйэтин баҕатынан бөһүөлэк оҕолоро сынньаналларыгар диэн каток оҥорор буолбута ырааппыт.