Владимир Скрябин: «Доннааҕы Ростовка байыаннай госпитальга психологтар биригээдэлэрэ үлэлээн эрэр»

Байыаннай дьайыы кыттыылаахтарыгар уонна кинилэр дьиэ кэргэттэригэр психологическай көмө тохтоло суох ыытыллар. 

Олунньу саҥатыгар 600 кэриҥэ саҥа ыйытыылар, кыһалҕалар быһаарыллыбыттарын туһунан Өрөспүүбүлүкэтээҕи психологическай киин дириэктэрэ Владимир Скрябин иһитиннэрдэ. «Саҥа биригээдэ Доннааҕы Ростовка баар байыаннай госпитальга үлэтин саҕалаата. Ону тэҥэ, психологическай десаннар улуустарга үлэлииллэр. Кэбээйигэ үлэлээтилэр. Бу нэдиэлэҕэ Томпоҕо бааллар», – диэн Владимир Скрябин иһитиннэрдэ.

Дьокуускайга Өрөспүүбүлүкэтээҕи психологическай киин Курашов ул 36-гар үлэлиир. Ону тэҥэ, ыйытыыларгытын 31-91-09 диэн нүөмэргэ эрийэн биэриэххитин сөп.