Юрий Никифоров: «Үлэ олоҕу тупсарар, сайыннарар»

Ил Дархан Айсен Николаев кэлэр 2023 сылы Үлэ сылынан биллэрдэ. «Сахамедиа» медиа-киинигэр Анал этии тула ырытыһыы буолла.

Хаҥалас улууһун баһылыгын социальнай боппуруостарга солбуйааччы Юрий Никифоров өрөспүүбүлүкэҕэ Үлэ сыла биллэриллибитин туһунан маннык санаатын эттэ:

— Үлэ дойдуга бэриниилээх буолууну кытта ыкса сибээстээх диэн этиини кытта сөпсөһөбүн уонна Ил Дархан кэлэр 2023 сылы Үлэ сылынан биллэрбит көҕүлээһинин өйүүбүн. Биһиги улууспутугар 2017 сылтан 2020 сылга диэри анал бырагыраама оҥоһуллан, үлэ сылларын ыыппыппыт. Манна тиһиктээх үлэ киэҥ далааһыннаахтык ыытыллыбыта. Үлэ олоҕу тупсарар, сайыннарар. Үлэ сылларын чэрчитинэн Хаҥаласпытыгар үлэ миэстэтэ тахсыытыгар сүрүн болҕомтобутун уурбуппут. Дьиэ кэргэн бэйэтигэр үлэ, биисинэс тэринэригэр усулуобуйалары олохтообуппут. Куорат сиригэр эрэ буолбакка, тыа сиригэр эмиэ хамсааһын тахсыбыта.