Андрей Борисов: «Хас биирдии киһи санаата өрө көтөҕүллүбүтүн бэлиэтии көрөбүн»
![](https://sakha-sire.ru/wp-content/uploads/2024/03/89-900x596.jpg)
Арассыыйа Бэрэсидьиэнин быыбарыгар Саха сиригэр Владимир Путин кыайыыны ситистэ. Киниэхэ муҥутуур элбэх быыбардааччы куоластаата. Маннык көрдөрүү Саха сирин салалтатын өр сыллаах систиэмэлээх үлэтин түмүгүн уонна Ил Дархан норуотугар итэҕэйэрин дакаастабылын көрдөрөр. Итинник диэн РФ норуодунай артыыһа, Саха сирин судаарыстыбаннай сүбэһитэ Андрей Борисов саныыр.
«Айар эйгэ киһитэ буоларым быһыытынан, киһи дууһатын хамсааһыннарыттан көрөбүн. Мин санаабар, саха дьоно Владимир Путиҥҥа куоластарын биэрэннэр, Саха сирин салалтатыгар итэҕэйэллэрин көрдөрөллөр. Бу дойду Бэрэсидьиэнэ Владимир Путин Ил Дархаҥҥа итэҕэйэрин түмүгэр тахсар. Итини барытын Владимир Путин Айсен Николаевы кытта дьыалабыай көрсүһүүлэригэр бэлиэтиэххэ сөп. Кини ытыктабыллаах сыһыанын Саха сирин олохтоохторо билэллэр уонна көрөллөр. Бу олус улахан суолталаах.
Аҕыйах хонуктааҕыта Дьокуускай куорат мэра Евгений Григорьевтыын Владимир Путин көрсөн кэпсэттитин көрбүппүт уонна истибиппит. Кини эдэр салайааччыга ытыктабыллаах сыһыанын эмиэ көрдөрдө. Бэрэсидьиэммит ити курдук биһиги салайааччыларбыт чахчы төрөөбүт дойдуларын дьиҥнээх патриоттара буолалларын бэлиэтии көрөр. Ону таһынан Путин биһиги салалтабытыгар идэлэрин таһымнарыгар эрэли үөскэтэр. Ил Дархан уонна куорат мэра үрдүк таһымнаах салайааччылар буолалларын дойдубут Бэрэсидьиэнэ чопчу бэлиэтии көрөр.
Түмүккэ саха дьоно билигин дойдуга чопчу бу Лидер наада буоларын өйдүүллэр. Эбиитин дьон санаата өрө көтөҕүллүбүтүн бары да бэлиэтии көрбүккүт буолуо. Бу эмиэ туспа суолталаах», — диэн Андрей Борисов быһаарда.
Бэлиэтээн эттэххэ, Уһук Илин уокурук билиҥҥи устуоруйатыгар Бэрэсидьиэн быыбарыгар куоластааһыҥҥа дьон кыттыыта саамай маассабай буолла. Манна нэһилиэнньэ 73,7% -на кыттыыны ылла.
Сообщить об опечатке
Текст, который будет отправлен нашим редакторам: