Абый улууһугар икки ойуур баһаара бохсулунна

Бүгүн, от ыйын 25  күнүгэр, Абый улууһугар Киэҥ Күөл уонна Белай Гора таһынааҕы ойуур баһаардара бохсулуннулар.

Бу туһунан лүөччүк-наблюдатель бигэргэппитин, СӨ Гражданскай оборуона дьыалаларыгар уонна нэһилиэнньэ олоҕор-дьаһаҕар куттал суох буолуутун хааччыйыы миниистирэ Дмитрий Лепчиков бэйэтин ТГ-ханаалыгар суруйбут.

Киэҥ Күөлгэ баһаары утары үлэлээбит күүстэр Белай Гора бөһүөлэгин таһыгар 70 №-дээх ойуур баһаарын бу түүн умуруорар соруктаах көмөҕө кэлбиттэр.

—Кыалыннаҕына, сарсын Белай Гораҕа ойуур уота умулларыллыа. Сарсын баһаары утары үлэлиир күүстэри Зырянкаттан уонна Орто Халыматтан көһөрөр былаан баар, — диир Лепчиков.

Санатан эттэххэ, эрэгийиэҥҥэ икки ойуур баһаара икки улууска умуруоруллубута, биэс бохсуллубут.