Альберт Семенов «Сдай ружьё на СВО» аахсыйаҕа кыттыста
Дьокуускай куорат Дууматын бэрэссэдээтэлэ Альберт Семенов анал байыаннай дьайыы зонатыгар ыытарга бэйэтин саатын туттарда.
Кылааккай (гладкоствольнай) доруобунан ытар саа байыастарга өстөөх пилота суох көтөр аппарааттарын ытан түһэрэргэ туһаныллар. ««Биир ньыгыл Арассыыйа» баартыйа Саха сиринээҕи салаата көҕүлээбит аахсыйата чахчы туһалаах уонна билиҥҥи кэмҥэ наадалаах. Көрсүһүү кэмигэр байыастар маннык сэп-сэбиргэл дроннары утары охсуһарга олус наадалааҕын хас да төгүл этэн турардаахтар. Байыастар этэллэринэн, биир саа 10-тан тахса олоҕу өрүһүйүөн сөп. Саха сирин олохтоохторо биир дойдулаахтарын өйүөхтэрэ диэн эрэнэбин», — диэн Альберт Александрович санаатын үллэһиннэ.
Ким баҕалаах сааны бу сыл бэс ыйын 24 күнүттэн от ыйын 7 күнүгэр диэри Дьокуускай куорат, Дзержинскай аатынан уулусса, 35/1 №-дээх дьиэтэ аадырыска күнүс 14:00 чаастан киэһэ 17:00 чааска диэри туттарыан сөп. Манна сааны харайарга, илдьэ сылдьарга көҥүл, пааспар уонна саа баар буолара наада. Сэп-сэбиргэл хайаан да чехолга угуллуохтаах. Аахсыйа туһунан сиһили манна аах.
Сообщить об опечатке
Текст, который будет отправлен нашим редакторам: