Алдаҥҥа суох саахалыгар биэс киһи эчэйдэ

Алдан оройуонугар «Лена» федеральнай суолга микро-оптуобус суолтан туораата. Суол саахалын түмүгэр биэс киһи эчэйдэ, ол иһигэр 10 саастаах оҕо баар.

Микро-оптуобус сэттэ пассажирдаах Алдан куоракка айаннаан испит. Суоппар сатаан салайбакка суолтан туораабыт. Суол саахалыгар биэс киһи эчэйбит: 1958 с.т. эр киһи реанимацияҕа, 1996 с.т. эр киһи травматологияҕа киирбиттэр, 1982 с.т. дьахтар, 1973 с.т. эр киһи уонна 2014 с.т. оҕо амбулаторнайдык эмтэниигэ анаммыттар.

Суоппар арыгы испэтэх, курун баамматах, ол эрээри эчэйбэтэх. Саахалынан бэрэбиэркэ ыытыллар диэн Госавтоинспекция управлениета иһитиннэрэр.