Бэс ыйыттан кафеларга уонна эрэстэрээннэргэ сайыҥҥы верандаларга арыгы атыыта көҥүллэниэҕэ

Бу иннинэ федеральнай сокуонунан кафеларга уонна эрэстэрээннэргэ сайыҥҥы верандаларга арыгы атыыта бобулаах этэ.

Ону таһынан РФ Административнай кодексатынан сайыҥҥы верандаларга итирдэр утахтары атыылааһын быраабылатын кэһии иһин ыстарааптар көрүллэллэрэ. Дуоһунастаах сирэйдэргэ ыстараап суумата 20-40 тыһыынча солкуобай, тэрилтэлэргэ — 100-300 тыһыынча солкуобай буолара. Итини кытта терассаҕа арыгы испиттэргэ эмиэ 1,5 тыһыынча солкуобайга диэри ыстараап ирдэниллэрэ.

Маныаха арыгы атыытыгар лицензия баар эбит буоллаҕына, кафеларга уонна эрэстэрээннэргэ арыгы атыылыыр миэстэ баарын үрдүнэн, бас билэр сайыҥҥы верандаларыгар көҥүлэммэт буолара элбэх ыйытыгы үөскэтэн, түмүгэр бу хааччаҕы устарга быһаардылар.

Онуоха сокуону оҥорооччулар бу сыл бэс ыйын 1 күнүттэн арыгыны билигин уопсастыбаннай аһылык өҥөтүн оҥорорго анаммыт быстах тутууларга эбэтэр конструкцияларга арыгы атыыта көҥүллэнэр диэтилэр. Маннык тутуу кафеларга эбэтэр эрэстэрээннэргэ сыһыары эбэтэр территориятыгар баар буолуохтаах.