Биир киһи арахсыбыт ойоҕун дьиэтигэр киирэн кыһыл көмүс биһилэҕи уорда

Хаҥалас улууһун полициятын дьуһуурунай чааһыгар биир дьахтар 20 тыһ.кыһыл көмүс биһилэҕин уорбуттарын туһунан үҥсүү суруйбут.

Полициялар быһылаан буолбут сиригэр тиийбитэ, кыбартыыра аанын күлүүһэ алдьамматах эбит. Бэрэбиэркэлээһин түмүгэр, полиция үлэһиттэрэ эмсэҕэлээччи дьахтар чугас алтыһар дьонун эргимтэтин быһаарбыттар. Онно эмсэҕэлээччи икки сыллааҕыта биир эр киһини кытта олорбута, онтон арахсыбыттара биллибит.

Суһал көрдүүр үлэ кэмигэр олохтоох полиция уонна холуобунай дьыаланы силиэстийэлиир үлэһиттэри кытта буруйдаах киһини булбуттар. Кини 42 саастаах олохтоох киһи буолан тахсыбыт.

Полиция үдэһиттэрэ быһаарбыттарынан, бу киһи урут олоро сылдьыбыт кыбартыыратын күлүүһүн дубликатын оҥорон илдьэ сылдьыбыт, арахсан баран төннөрбөтөх. Буруйдаах дьахтар кыбартыыратыгар ким да суох кэмигэр киирэн киэргэллэри уорбут уонна куотан хаалбыт. Уоруйах малларын атыылаан баран, киирбит харчытын тус наадатыгар туттубут.

Киниэхэ «Уоруу» РФ Холуобунай кодексын 158 ыстатыйатын 3 чааһынан холуобунай дьыала тэрилиннэ диэн ИДьМ Саха сиринээ5и салаатын пресс-сулууспата иһитиннэрэр.