Биир улууска, үс нэһилиэккэ баһылыктары талыахтара

Саха сиригэр балаҕан ыйын 8, 9, 10 күннэригэр улахан быыбардар көхтөөхтүк аастылар. Ил Дархаммытын, норуот дьокутааттарын, Дьокуускай куорат Дууматын дьокутааттарын, сорох улуустарга баһылыктары, оройуон, нэһилиэк сэбиэттэрин дьокутааттарын талбыппыт.

Ол эрээри, сорох сирдэргэ сэтинньи ортото быыбардар буолаллара быһаарылынна. Быыбар хампаанньалара салҕаналлар, болдьоҕун иннинэ өссө түөрт муниципальнай улууска — биир улуус баһылыгын уонна үс нэһилиэк баһылыгын быыбара ыытыллыа.

Ол курдук 2023 c. сэтинньи 19 күнүгэр Үөһээ Бүлүү улууһун баһылыгын итиэннэ үс нэһилиэккэ: Мэҥэ Хаҥалас улууһун Мөҥүрүөн нэһилиэгэр, Таатта улууһун Баайаҕа нэһилиэгэр уонна Уус Алдан улууһун 2-с Лөгөй нэһилиэгэр баһылыктары талыахтара.