Бу күннэргэ хоту инчэҕэй хаар, ардах түһэрин билгэлииллэр

Бэс ыйын 27-28 күннэригэр өрөспүүбүлүкэ хотугулуу-арҕаа өттүгэр, Халыма тардыытынан сорох сиргэ күүстээх ардах, Арктика улуустарыгар быстах ардахтар түһүөхтэрэ. Дьааҥыга уонна Хотугу муора кытылынан инчэҕэй хаар түһүөн сөп. Дьааҥы хайаларыгар түүн -4 кыраадыска диэри тымныйар.

Киин улуустарга уонна соҕуруу быстах ардахтар түһүөхтэрэ. Бэс ыйын 27 күнүгэр түүн +8, +13 кыраадыс, күнүһүн +16, +22 кыраадыс сылаас буолар. Соҕурууҥҥу-арҕаа улуустарга +30 кыраадыска диэри сылыйыан сөп.