Бүгүн үгүс оройуоннарынан күүстээх ардах түһэрэ күүтүллэр

Саха сирин синоптиктара бүгүн, атырдьах ыйын 29 күнүгэр, өрөспүүбүлүкэ арҕаа, соҕуруу, илин оройуоннарынан кыралаан ардах түһэрин билгэлииллэр. Хотугулуу-илин улуустарынан сорох сиринэн инчэҕэй хаар түһэрэ күүтүллэр. Аммаҕа, Чурапчыга, Уус Майаҕа, Томпоҕо, Өймөкөөҥҥө күүстээх ардах түһүөҕэ.

Саха сирин үгүс улуустарынан тыаллаах, Анаабыр, Булуҥ улуустарынан сөкүүндэҕэ 15-17 м. түргэннээх күүстээх тыал түһэрин сэрэтэллэр.

Салгын температурата түүн +3+8°С, былыта суох буоллаҕына уонна хоту 0,-5° С кыраадыска диэри тымныйар, күүстээх тоҥоруу түһэр, күнүс +13+18°С, хоту, хотугулуу-илин +8+13°С, сорох улуустарынан +3+8°С кыраадыс сылаас.