Бүлүүгэ гараас уонна массыына умайбыт, биир киһи эмсэҕэлээбит

Алтынньы 27 күнүгэр киэһэ 19:41 чааска Бүлүү улууһун Кыһыл Сыыр бөһүөлэгэр Пионерскай уулуссаҕа чааһынай гараас уонна «Toyota Carina» массыына умайарын туһунан баһаарынай сулууспаҕа иһитиннэрии киирбит.

Баһаарынайдар ыҥырыы буолбут сиригэр тутатына тиийбиттэр. Кинилэр кэлэллэригэр гараас аһаҕас уотунан умайа турар эбит.

Уоттан чааһынай гараас уонна массыына уопсайа 24 кв.м. иэннээх сиргэ бүттүүн умайбыт. Баһаарга 1996 с.т. эр киһи эмсэҕэлээбит — кини 2-с истиэпэннээх уокка сиэтиини ылбыт уонна бэйэтинэн суһал көмө балыыһатыгар көрдөрүнэ тиийбит. Баһаарынайдар түргэнник дьаһананнар, чугас турар чааһынай дьиэни уоттан быыһаабыттар.

Билиҥҥи туругунан баһаар биричиинэтэ, буруйдаах киһи уонна уопсай хоромньу суумата быһаарыллар. Уоту умуруорууга 8 баһаарынай үлэһитэ уонна  анал тиэхиньикэ үлэлээбит.