“Дэгэт уус-2024”

Мэҥэ Хаҥалас улууһун Хотун Төҥүлү нэһилиэгэр от ыйын 10 — 15 күннэригэр улуус, нэһилиэк бочуоттаах гражданина ,”Мэҥэ Аат” бэлиэ хаһаайына, меценат, урбаанньыт  Иван Иванович Борисов көҕүлээһининэн, өрөспүүбүлүкэҕэ аан бастаан скульптураҕа араас улуустартан маастардар күрэхтэстилэр.

Хотун Төҥүлү киэҥ историялаах нэһилиэгинэн биллэр, онно олоҕуран маастардар араас тиэмэлэргэ скульптуралары оҥортоотулар. Манна уон биир хамаанда кытынна. Ол курдук кытыннылар:

Тааттаттан  “Дьулуур” хамаанда чилиэннэрэ А.П Атастыров, В.Е Попов (“ Тустуу-кылаан чыпчаал”скульптура);

Нам улууһун “Сюрприз” хамаандатын чилиэннэрэ А.В.Аргунов,  Нь.М Аргунова (“Алсиб Аляска Сибирь” скульптура);

Мэҥэ Хаҥалас улууһуттан “Дьол тааһа” хамаанда чилиэннэрэ А.Д Саввина, М.П.Шардинова (“Байыаннай дьайыыга сылдьар уолаттарбытыгар ананар”);

Ньурба улууһун “Өҥөлдьө”хамаандатын чилиэннэрэ Д.Е Максимов, Г.Е Максимов ( “Мин мантан сэриигэ барбытым”);

Таатта улууһун “Ытык күөл”хамаандатын чилиэннэрэ  А.А.Варфомолеев, П.И Егоров (“Слепцов Баччыгыратар уола”;

Мэҥэ Хаҥалас улууһун “Дьаҥхаады” хамаандатын чилиэннэрэ И.И Мохначевскай, Г.А Аргунов, В.А Аргунов  (“Дьөһөгөй оҕото”);

Тываттан кэлбит ““Көмүс кынаттар”” хамаанда чилиэннэрэ В. Стручков, А Абрамова (“Сахам бээгэй ынаҕа”);

Г.Е Максимов, А.А.Андреев (“Ааллаах үүн суолунан”):

Дьокуускайтан “Дьоҕур” хамаанда чилиэннэрэ В.А Бурцев, П.И Эляхов (“Собо — күөх боллох бэлэҕэ”);

Дьокуускайтан “Хот –Ай” хамаанда чилиэннэрэ Н.Д Колодезников уолунаан Д Колодезниковтыын (“Өбүгэлэртэн силистэнэн”);

Мэҥэ Хаҥалас улууһун “Муус уус”хамаандатын чилиэннэрэ Р.А Петухов , П Петухов “Төрүччэни түстээччи”.

Үчүгэй бириистэри туттулар

Мэҥэ Хаҥалас улууһун баһылыга Дмитрий Тихонов улуус аатыттан А.А.Варфомолеевка, П.И Егоровка  (“Ытык күөл” хамаанда) “Слепцов Баччыгыратар уола”скульптураларын иһин 150000  суумалаах сэртипикээти туттарда. Төҥүлү нэһилиэгин баһылыга В.Эверстов “Дэгэт уустарга”, СӨ Судаарыстыбаннай Мунньаҕын (Ил Түмэн) бэрэссэдээтэлэ А.Еремеев анал бэлэхтэри туттардылар. Иван Борисов уола  “ПИК” тэрилтэ салайааччыта Ю. Борисов 50000 суумалаах сэртипикээттэри үс хамаандаҕа биэрдэ. . “Хоту” кэпэрэтиип салайааччыта Иван Максимов Тываттан сылдьар кэргэннии Стручковтарга бэлэх туттарда.

Ил Түмэн алтыс ыҥырыылаах мунньаҕын дьокутаата, “Ил Түмэн”  издательскай дьиэтин генеральнай дириэктэрэ М.Христофорова, СӨ үтүөлээх суруналыыһа И. Гаврильев, А. Филиппова айар лабораториятын маастара А Капустина, бииргэ үөрэммит үөлээннээхтэрэ үс хамаандаҕа сэртипикээттэри анаатылар. И Борисов “Саамай эдэр” кыттааччыга — “Айыы кыһатын”  тохсус кылааһын үөрэнээччитэ аҕатынаан кыттыбыт Д.Колодезниковка матасыыкыл сүүрдэн киллэрэн туттарда.

Маны таһынан күрэс кыттааччыларыгар  сүүстүү тыһыынча солкуобайы уу харчынан туттарда. Биэс күннээх күрэхтэһии түмүгүнэн “Кылаан кыайыылаах” аатын “Собо — күөх боллох бэлэҕэ” скульптураларын иһин  Дьокуускайтан В.А Бурцев, П.И Эляхов Дьокуускай (“Дьоҕур”хамаанда) ылан, 250000 солк. ылар чиэскэ тигистилэр. Иккис миэстэҕэ —  Д.Е Максимов , Г.Е Максимов (Ньурба улууһун “Өҥөндьө” ) “Мин мантан сэриигэ барбытым” скульптураларын иһин 230000 солк., үһүс миэстэҕэ —  Нь.М.Аргунова (Нам “Сюрприз” хамаандата) “Алсиб Аляска Сибирь” скульптураларын иһин 200000 уу харчынан наҕараадаланнылар.

Бу тэрээһин үрдүк таһымнаахтык барда. Маастардар  Иван Борисовка уонна кини дьиэ кэргэнигэр махталлара муҥура суох.  Кинилэр оҥорбут скульптуралара үйэ саас тухары Хотун Төҥүлүнү киэргэтиэхтэрэ. Урбаанньыт И. Борисов өссө да инникитин араас күрэхтэһиилэр буолуохтара диэн эрэннэрдэ, бу тэрээһиҥҥэ көмөлөспүттэргэ махтанна.

Вера Владимирова,

И. Борисов бииргэ үөрэммит үөлээннээхтэрин аатыттан.